سكوتش فولد ولا سكوتش ستريت ولا بريتش؟ الفرق بينهم
كثير يخلطون بين الثلاث، لأن الوجه مدوّر والفرو كثيف والطبع هادي. الفرق الأساسي في الأذنين والصحة.
سكوتش فولد
- أذنينها مطوية لقدام، وهذا اللي يميزها.
- الطيّة سببها جين يأثر على الغضاريف، ومع الوقت ممكن يسبب مشاكل بالمفاصل والذيل.
- عشان كذا ما ينفع تتزاوج فولد مع فولد. المربي الصح يزوّج الفولد مع ستريت أو بريتش.
- اسأل المربي عن الأب والأم، وافحص حركة القطة وذيلها: الذيل لازم يكون مرن، مو قاسي.
سكوتش ستريت
- نفس السلالة، بس أذنينها واقفة لأنها ما ورثت جين الطيّة.
- نفس الطبع والشكل تقريباً، وما عندها مشكلة الغضاريف اللي تجي مع الطيّة.
- سعرها غالباً أقل شوي من الفولد.
بريتش شورت هير
- سلالة مستقلة، جسمها أثقل ووجهها أعرض، وفروها قصير وكثيف جداً.
- أذنينها واقفة دايماً.
- هادية ومستقلة، وما تحب الشيل كثير.
معلومة مهمة
كل قطاوة السكوتش تنولد أذنينها واقفة، والطيّة تبين تقريباً من عمر 3 إلى 4 أسابيع. فإذا أحد باعك «فولد» عمرها أسبوعين، ما يقدر يأكد لك.
أيها أختار؟
إذا تبي الشكل المطوي، اختار فولد من مربي يهتم بالصحة. وإذا تبي نفس الطبع بدون قلق الغضاريف، الستريت أو البريتش خيار ممتاز. وشوف الأسعار: أسعار القطط في السعودية